‘मर्यादित ब्यवसाय र प्रविधिमा सहकारी’ भन्ने नाराका साथ ६५औं राष्ट्रिय सहकारी दिवस ठाकुरबाबा नगरपालिका आर्थिक विकास शाखाको आयोजना तथा ठाकुरबाबा सहकारी सञ्जालको समन्वयमा नगरभित्र केन्द्रिय कार्यालय रहेका सहकारीहरुको सहभागितामा भब्यताका साथ सम्पन्न भएको छ । कार्यक्रमको अध्यक्षता ठाकुरबाबा सहकारी सञ्जालका सह–संयोजक भिख्खु थारुको अध्यक्षता, ठाकुरबाबा नगरप्रमुख (सहकारी अभियन्ता) घननारायण श्रेष्ठको प्रमुख आतिथ्यता, ठाकुरबाबा नगर उप–प्रमुख कृष्णा कुश्मा थारु तथा जिल्ला सहकारी संघ, बर्दियाका अध्यक्ष नवराज ढुंगानाको विशेष आतिथ्यतामा कार्यक्रम सम्पन्न भएको हो । कार्यक्रममा सरकारी अनुदानको रासायनिक मलको बिक्री, बीउविजनको उत्पादन तथा बिक्री लगायत बहुउद्देश्यीय सेवामा पुर्याएको योगदानका लागि हिमालय सहकारी संस्था लिमिटेड सहित नगरपालिका भित्र सञ्चालनमा रहेका विभिन्न सहकारी संस्थाहरुलाई सो संस्थाहरुले गरेका कार्यका आधारमा सम्मान गरिएकोे छ । (विक्रम सम्वत् २०७८ साल चैत्र २० गते आइतबार)
